AZ
Hesab açmadan beynəlxalq pul köçürmələri milli və xarici valyuta ilə aparılır. Xarici valyuta ilə pul köçürmələri valyuta rejimi haqqında AMB-nin müvafiq normativ aktlarına və beynəlxalq ödəniş sistemləri təşkilatları ilə Azərpoçt MMC arasında bağlanmış müqavilə şərtlərinə uyğun aparılır.
“Azərpoçt” ММС-nin istənilən poçt şöbəsinə yaxınlaşmaqla fiziki şəxslər xaricə pul göndərə və ya xaricdə yaşayan yaxınları tərəfindən adlarına göndərilən pulu ala bilərlər. Beynəlxalq poçt pul köçürmələri “Azərpoçt” MMC-yə məxsus beynəlxalq poçt pul köçürmə sistemidir. Bu cür Poçt pul köçürməsi fiziki şəxs tərəfindən göndərilə bilər və bu zaman yalnız Rusiya, Belarus, Ukrayna, Qazaxıstan, Özbəkistan ölkələri ilə mübadilə aparılır. Beynəlxalq poçt pul köçürmələri əməliyyatı “Azərpoçt” MMC ilə qeyd edilən 5 dövlətin poçt şöbələri arasında mümkündür, köçürmə 2 gün müddətinə çatır.
Pul köçürməsinin göndərilməsi və ödənilməsi manatla həyata keçirilir. Qarşı tərəfə ölkənin qanunvericiliyinə əsasən milli və ya xarici valyutada ödənilir.
Beynəlxalq poçt pul köçürməsi ünvanlıdır, göndərilməsi zamanı ödəyən şöbənin poçt indeksi mütləq qeyd edilməlidir. Köçürmə adi qaydada, ad, soyad, ata adı və ya kod əsasında göndəriş zamanı qeyd edilən indekslə konkret poçt şöbəsində ödənilir.
Pul köçürməsinin maksimal məbləği müqaviləyə əsasən ölkədən asılı olaraq dəyişir.
