Bizimlə əlaqə: (012) 493-56-00
Bizimlə əlaqə: (012) 493-56-00 Az En
   Elektron xidmətlər
   İndeks və Ünvanların axtarışı
   Poçt göndərişlərinin izlənilməsi
   Məktub yazmaq
   Elektron Xidmətlər Portalı
   Elektron İmzası
   E-Ticarət
Xəbərlər
16 Oct 2014

Azərbaycan poçtunun uğurları Almaniyada maraqla qarşılanıb

“Azərpoçt” MMC-nin Keyfiyyətə nəzarət şöbəsinin rəisi Novruz Qalayev və Xaçmaz Regional Poçt Filialının rəisi Ənvər Məhyəddinov Almaniyanın Frankfurt şəhərində “POSTEUROP”-un poçt xidmətlərinin keyfiyyətinin yüksəldilməsi mövzusunda keçirdiyi seminarda iştirak ediblər.

  Keçirilən tədbirə “POSTEUROP” ölkələrinin poçt operatorları ilə yanaşı, Rusiya, Ukrayna, Qazaxıstan və Azərbaycan təmsilçiləri, Ümumdünya Poçt İttifaqının (ÜPİ) Qlobal Monitorinq Sisteminin, eləcə də Almaniyanın “Lufthanza” aviaşirkətinin nümayəndələri də qatılıblar.

Tədbirdə “POSTEUROP” üzvləri arasında beynəlxalq məktub korrespondensiyasını təyin edən G+3 nəzarət-keçid müddətinə dair göstəricilər, poçt daşımaları üzrə marşrutların idarə edilməsi, ÜPİ-nin E2E Qlobal Monitorinq Sistemi, Almaniyanın “Lufthanza” aviaşirkətinin tranzit aviadaşımaları, Avropa Birliyi ölkələri üzrə poçt-gömrük əlaqələri və elektron-ticarət  məsələləri müzakirə edilib.

Tədbirin gündəliyinə uyğun olaraq -“POSTEUROP”-un bəzi üzvləri poçt xidmətlərinin keyfiyyətinin yüksəldilməsi üzrə  apardıqları işlərə dair hesabat xarakterli çıxışlar ediblər. Azərbaycan nümayəndələri ölkəmizdə beynəlxalq poçtun keyfiyyətinin yüksəldilməsi uğrunda son illər aparılan işlər, o cümlədən beynəlxalq izləmə, Qlobal Monitorinq, ÜPİ-nin Poçt Texnologiyaları, Müştəri Xidmətləri Sistemlərinə qoşulma, beynəlxalq poçt göndərişlərinin, EDİ mesajlarının vaxtında ötürülməsi və s. barədə ətraflı məlumat verilib.
 
Eyni zamanda cari ilin noyabr ayında ÜPİ-nin “POSTEUROP” ilə birlikdə “Azərbaycanda poçtun istismarı və keyfiyyətin idarə edilməsi” üzrə xüsusi layihəsi və bu tədbir üzrə aparılan hazırlıq işlərinə dair iştirakçılara geniş məlumat verilib. Həmçinin sözügedən layihə ilə əlaqədar Azərbaycanın təyin olunmuş poçt operatoru adından ÜPİ və “POSTEUROP”-un rəhbərliyinə təşəkkür edilib.

Azərbaycan nümayəndələri ən ucqar kəndlərdə tətbiq edilən poçt layihələri haqqında geniş məlumat veriblər. Bu layihələr Xaçmaz Regional Poçt Filialının timsalında konkret faktlarla tədbir iştirakçılarının diqqətinə çatdırılıb. Bu təqdimatlar seminar iştirakçılarının böyük marağına səbəb olub.

Tədbir istirakçıları Frankfurt beynəlxalq Poçt Çeşidləməsi Mərkəzinin işi ilə yaxından tanış olublar.

Bu Mərkəz ən müasir texnika və texnologiyalardan istifadə edilmiş 8 mərtəbədən ibarətdir. Burada bütün poçt göndərişləri avtomatlaşdırılmış sistemlə çeşidlənərək, həm avia, həm də yerüstü poçtla demək olar ki, dünyanın əksər ölkələrinə göndərilir. Poçt bu mərkəzdə  24 saat ərzində çeşidlənir.
Tədbir zamanı poçt daşımaları üzrə marşrutların idarə edilməsi ilə əlaqədar təşkil edilmiş  qruplar üzrə seminar təşkil edilib. Azərbaycan nümayəndələri 2-ci qrupda Almaniya, Fransa, Ukrayna, Qazaxıstan, Türkiyə nümayəndələri ilə “dəyirmi masa”da tərəfləri maraqlandıran maraqlı və faydalı müzakirələr aparıb.

Seminarın gedişatı zamanı proqramda nəzərdə tutulduğu kimi, beynəlxalq poçt göndərişlərinin qəbulu, daşınması və göndərilməsi prosesində poçt, gömrük və aviaşirkətlər arasında gömrük bəyannamələrinin elektron mübadiləsinin aparılması və onun əhəmiyyəti (təhlükəsizlik, sürət, etibarlılıq), bir sözlə, keyfiyyət göstəricilərinin yüksəldilməsi barədə ətraflı məlumat verilib, həmçinin maraqlı diskussiyalar aparılıb. Azərbaycan nümayəndələri bütün diskussiya və təkbətək görüşlər zamanı fəallıq göstərib.

Tədbirdə Almaniya poçt operatorunun elektron ticarət üzrə təqdim etdiyi təqdimat iştirakçıların marağına səbəb olub. Məlumat üçün bildirək ki, alman poçtu bu sahədə ən qabaqcıl ticarət şirkətləri ilə əməkdaşlıq edərək xeyli gəlir əldə edir.

Bundan başqa tədbirdə iştirak edən “Kazpoçt”un nümayəndəsi bildirib ki, onlar Cin Xalq Respublikası ilə sərhəddə yeni mübadilə məntəqəsi yaradaraq, birbaşa yerüstü beynəlxalq mübadilə həyata keçirirlər.







16 fev 2018 Azərpoçtbeynəlxalq epistolyar inşa müsabiqəsinə start verdi
Ümumdünya Poçt İttifaqı (ÜPİ) 47 ildir ki, təşkilata üzv ölkələrin poçt adminstrasiyaları ilə birgə ümümtəhsil məktəbliləri arasında epistolyar (məktub şəkilində yazı) inşa müsabiqəsi keçirir. Ölkəmizdə bu müsabiqə Azərpoçt Məhdud Məsuliyyətli Cəmiyyətivə Təhsil Nazirliyi ilə birgə təşkil edilir.
ətraflı >>

12 fev 2018 2017-ci ilin nəticələrinə görə Şəbəkə Travel turizim şirkəti kimi Azeri Bussiness Award mükafatına layiq görülüb.
Nəqliyyat, Rabitə və Yüksək Texnologiyalar Nazirliyinin təşəbbüsü ilə yaradılan Şəbəkə Travelin fəaliyyətə başlamasından 1 il ötür. Bütün növ poçt və telekommunikasiya xidmətlərinin göstərildiyi Şəbəkə mərkəzlərində turizim xidmətlərini təmin etmək üçün yaradılan Şəbəkə Travel müasir turizm standartlarına cavab verən çox profilli tur operatordur.
ətraflı >>

10 fev 2018 "Şəbəkə" xidmət mərkəzlərinin fəaliyyətə başlamasının 1 ili tamam olur
Bu gün Nəqliyyat, Rabitə və Yüksək Texnologiyalar Nazirliyinin (NRYTN) təşəbbüsü ilə yaradılan "Şəbəkə" xidmət mərkəzlərinin istifadəyə verilməsindən 1 il ötür. Hazırda respublika üzrə 6 Şəbəkə xidmət mərkəzi fəaliyyət göstərir. Onlardan 4-ü paytaxt Bakıda, digər 2-si Cəlilabad və Zaqatala şəhərlərində yerləşir.
ətraflı >>

8 fev 2018 Azərpoçt 2017-ci ildə tranzit mərkəzdə HUB layihəsi çərçivəsində 4 milyon 343 mni 679 ədəd poçt həcmi emal edib
2016-cı ilin iyul ayından start götürən HUB layihəsi 2017-ci ildə də Azərbaycan Poçtunun ölkələrarası elektron kommersiyanın həyata keçirilməsi üçün regional tranzit poçt mərkəzi (HUB) kimi fəaliyyət göstərib.
ətraflı >>

1 fev 2018 Azərpoçtun yeni Debit MasterCard plastik kartları ilə edilən onlayn alış-veriş daha ucuz başa gələcək
Azərpoçt MMC ilk dəfə Debit MasterCard ödəniş kartlarının emissiyasına başlayıb. İlk etapda 20 min kartın personallaşdırılması nəzərdə tutulub.
ətraflı >>

26 Jan 2018 Nəqliyyat, rabitə və yüksək texnologiyalar naziri Xırdalanda vətəndaşlarla görüşüb
Bu gün nəqliyyat, rabitə və yüksək texnologiyalar naziri Ramin Quluzadə Abşeron rayonunun inzibati mərkəzi Xırdalan şəhərində vətəndaşlar ilə görüşüb.
ətraflı >>

16 Jan 2018 2017-ci ildə ölkə ərazisinə daxil olan beynəlxalq poçt göndərişlərin sayı 876 min 509 ədəd təşkil edib.
Bu öncəki ilin müvafiq dövrü ilə müqayisədə 26,4% (183321 ədəd) çoxdur və bu göndərişlərin böyük əksəriyyəti elektron ticarət saytlarından sifariş olunan məhsullardır.
ətraflı >>

12 Jan 2018 Azərbaycan Respublikasının Nəqliyyat, Rabitə və Yüksək Texnologiyalar Nazirliyinin strukturu
Azərbaycan Respublikası Prezidentinin 2018-ci il 12 yanvar tarixli Fərmanı ilə TƏSDİQ EDİLMİŞDİR
ətraflı >>

29 Dec 2017 Qanvermə aksiyası keçirildi
Nəqliyyat, Rabitə və Yüksək Texnologiyalar Nazirliyinin Aparatının, qurum və müəssisələrinin əməkdaşlarının iştirakı ilə Dünya Azərbaycanlılarının Həmrəyliyi Gününə həsr edilmiş qanvermə aksiyası keçirilib.
ətraflı >>

28 Dec 2017 Bayram günlərində əhali fasiləsiz poçt xidmətləri ilə təmin olunacaq
Nəqliyyat, Rabitə və Yüksək Texnologiyalar Nazirliyindən Dünya Azərbaycanlılarının Həmrəyliyi Günü və Yeni il bayramı günlərində əhalinin nəqliyyat, telekommunikasiya, o cümlədən internet, mobil rabitə xidmətləri və radio-televiziya yayımı ilə keyfiyyətli və davamlı şəkildə təmin edilməsinə dair tabeli qurumlara, rabitə birlik və müəssisələrinə, həmçinin telekommunikasiya operatorlarına müvafiq tapşırıqlar verib.
ətraflı >>



Alış Satış
2.0900 2.1200
1.6950 1.7010
0.0296 0.0302
GBP 2.3350 2.3850
SDR 1 SDR 2,4818