“Azərpoçt” İnternet bankçılıq xidmətini istifadəyə verib


22.04.2024 220


İnformasiya texnologiyaları sahəsində baş verən sürətli inkişaf və rəqəmsal transformasiya müştərilərə yeni xidmətlərin göstərilməsini, bank əməliyyatlarının daha da əlçatan olmasını tələb edir.

Bu məqsədlə 2021-ci ildən yenilənmə mərhələsinə keçid edən “Azərpoçt” MMC rəqəmsallaşma və elektron kommersiya istiqamətində bir sıra rəqəmsal həllər təklif edib.

Bunlardan biri də test rejimini uğurla keçərək müştərilərin istifadəsinə verilən “İnternet bankçılıq” xidmətidir. Bu xidmət müştərilərə onlayn, təhlükəsiz və rahat şəkildə bir çox bank əməliyyatlarını yerinə yetirməyə imkan verir. Həmçinin xidmətdən istifadə edən hüquqi şəxslər və fərdi sahibkarlar aşağıda qeyd olunan üstünlüklərdən də faydalana bilərlər:
• Banka gəlmədən pulköçürmələrini həyata keçirmək;
• Bank hesablarına nəzarət etmək;
• Bütün növ bank köçürmələrini izləmək, ödəniş tapşırığı və çıxarış əldə etmək;
• Mübadilə əməliyyatlarını həyata keçirmək;
• Gündəlik valyuta məzənnəsi barədə məlumat almaq;
• Əməkhaqqı köçürmələrini rahat və sürətli şəkildə həyata keçirmək və s.

Bu xidmətdən istifadə etmək istəyən şəxslər Azərpoçt-un müştəri xidmətləri şöbələrinə müraciət edə bilərlər.

Qeyd edək ki, “Azərpoçt” MMC tərəfindən hazırlanan və istifadəyə verilən bu kimi yeni biznes həllər istifadəsinə və rahatlığına görə, ən əsası isə zamana qənaət etmək baxımından müştəri məmnuniyyəti yaradır.



Onlayn konsultasiya