Bizimlə əlaqə: (012) 493-56-00
Bizimlə əlaqə: (012) 493-56-00 Az En
   Elektron xidmətlər
   İndeks və Ünvanların axtarışı
   Poçt göndərişlərinin izlənilməsi
   Məktub yazmaq
   Elektron Xidmətlər Portalı
   Elektron İmzası
   E-Ticarət
Xəbərlər
2 Dec 2015

21-ci Azərbaycan Beynəlxalq Telekommunikasiya və İnformasiya Texnologiyaları Sərgisi öz işinə başlayıb

 Bu gün Bakı Ekspo Mərkəzində İKT üzrə ən iri ixtisaslaşmış tədbir - "Bakutel 2015"  21-ci Azərbaycan Beynəlxalq Telekommunikasiya və İnformasiya Texnologiyaları sərgisi öz qapılarını ziyarətçilərin üzünə açıq elan edib.
 
 Keçirildiyi illər ərzində "Bakutel" sərgisi informasiya texnologiyaları üzrə yeni məhsul və xidmətlərin nümayiş etdirildiyi əsas meydança kimi, möhkəm əlaqələrin qurulduğu və yeni müəssisələrin təsis olunduğu əsas biznes-platformaya çevrilib.

Sərgiyə Azərbaycan Respublikası Rabitə və Yüksək Texnologiyalar Nazirliyi tərəfindən dəstək göstərilir. Həmçinin, Azərbaycanda İxracın və İnvestisiyaların Təşviqi Fondu (AZPROMO) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) kimi yerli strukturlar da sərgiyə yaxından dəstək verirlər.

Sərgi artıq uzun illərdir ki, Birləşmiş Millətlər Təşkilatı (BMT) və Beynəlxalq Telekommunikasiya İttifaqı (BTİ) kimi nüfuzlu təşkilatlardan dəstək alır. Ümumdünya Sərgi Sənayesi Assosiasiyası (UFI) tərəfindən verilmiş keyfiyyət nişanı "Bakutel" sərgisinin beynəlxalq nüfuzunu təsdiq edir. Sərginin təşkilatçıları qismində "Iteca Caspian" və "Caspian Event Organisers" ("CEO") şirkətləri çıxış edirlər.

Qlobal informasiya mühitinə inteqrasiya ilə yanaşı, milli İKT məhsullarının istehsalına və müasir informasiya-kommunikasiya infrastrukturlarının təşəkkül tapmasına imkan yaradan "Bakutel" sərgisi ölkədə İKT üzrə inkişaf proqramlarının həyata keçirilməsinə dəlalət edən göstəricilərdən biridir.
 
Bu il sərgi Azərbaycan, Belçika, Almaniya, Çin, BƏƏ, Rusiya, ABŞ, Türkiyə, Fransa və Yaponiya da daxil olmaqla, dünyanın 21 ölkəsini təmsil edən 203 şirkəti bir araya gətirəcək.
 
 Sərginin iştirakçıları arasında "ACER", "Avirtel", "Azercell Telecom", "Azerkosmos", "Azerfon", "Azqtel", "Airbus", "Bakcell", "BestComp Group", "CISCO", "Delta Telecom", "Digital Source", "HP", "Huawei", "IBM", "LENOVO", "R.I.S.K. Company", "SAP", "SINAM", "Smart Systems Technology", "Softline International", "Schneider", Sumqayıt Tenologitya Parkı, "Teleradio", "Ultra Technologies", "ZTE" və digər bu kimi aparıcı İKT şirkətləri, habelə Azərbaycanın mobil / rabitə operatorları, internet provayderləri və sistem inteqratorları, eləcə də tanınmış brendlərin distributorları var. "Eurodesign" şirkəti ardıcıl olaraq ikinci ildir ki, sərginin qeydiyyat sponsorudur. İlk dəfə olaraq, "Bakutel 2015" sərgisinin kommunikasiya sponsoru qismində ölkənin ilk mobil operatoru - "Bakcell" şirkəti çıxış edir.
 
Yeni şirkətlərin diqqətini cəlb edən sərgidə bu il debütantların sayı iştirakçıların ümumi sayının 15%-ni təşkil edir və onların əksəriyyəti Azərbaycanın İKT bazarına böyük maraq göstərən xarici şirkətlərdir.
Beləliklə, bu il sərgidə ilk dəfə olaraq "AVAYA", "Google", "Kasperskiy Laboratoriyası" və digər aparıcı dünya şirkətləri iştirak edirlər.
 
Ənənəvi olaraq, sərgi yüksək texnologiyalar ("Hi-Tech") sənayesinin yaxın gələcəkdə necə inkişaf edəcəyini göstərməklə yanaşı, ən yeni sənaye məhsullarını təqdim edir. Sərgidə təqdim olunan 2015-ci ilin əsas təmayülləri sırasında İT sahəsi üzrə yeni nəsil həll variantları, milli genişzolaqlı internet üzrə həll variantı, 4-5G mobil texnologiyalar, fiber-optik texnologiya və "bulud" texnologiyaları üzrə xidmətlər, elektron hökumət, "Smart Azerbaijan" layihəsi üçün yeni texnologiyalar, eləcə də informasiya təhlükəsizliyi yer alır.
 
Sərgidə "Azerspace-2" ikinci telekommunikasiya peykini kosmik fəzaya buraxmağa hazırlaşan "Azercosmos" şirkəti kosmik texnologiya üzrə yenilikləri təqdim edir. İKT sahəsinin gündəlik həyat tərzinin müxtəlif sahələrinə fəal şəkildə nüfuz etməsi ilə əlaqədar olaraq, bir sıra şirkətlər sərgidə insanın gündəlik həyat və məişətini asanlaşdıran müxtəlif "qacet"lərin təqdimatını keçirəcək.

Bunların arasında müxtəlif mobil tətbiqlər ("Azercell"), kiçik qurğu sayəsində daşıma, qoşma və 200-dən artıq kanalı izləməyə imkan verən səyyar kabel televiziyası ("Caspian Telecom"), sıfırdan müştəri mərkəzlərinin, eləcə də məlumat bazası üzrə sistemlərin və digər zəruri ofis proqramı və şəbəkələrinin yaradılması ("Avirtel"); rəqəmsal dünyanı uşaqlar üçün təhlükəsiz edən yeni texnologiyalar ("Kaspersky Lab"), istənilən televizoru "SMART" televizora çevirməyə və televizora on günlük arxivlə baxmağa imkan verən "MyvideoSmartBox" avadanlığı ("AG Telekom") və s. yer alır. Beləliklə, sərginin ziyarətçiləri yaxın gələcəkdə ölkə bazarına daxil olacaq yüksək texnologiyalı həll variantları və xidmətlərlə tanış olan ilk insanlar olacaqlar.
 
Sərgini müşayiət edən işgüzar proqram çərçivəsində iştirakçı şirkətlər Bakı Ekspo Mərkəzində bir sıra seminarlar keçirəcəklər. 3 dekabr tarixində 2 seminar: "Furukawa praktiki seminarı: fiber-optik kabellər və optik lifin qaynaq texnologiyaları üzrə aparıcı həll variantları" ("Furukawa Electric" şirkəti) və "Mükəmməl rabitə" ("Smart Network Group" şirkəti) seminarları keçiriləcək. "CISCO" şirkəti arzu edən hər kəsi 4-5 dekabr tarixində keçiriləcək "CCNA marşrutlaşdırma və kommutasiya" (saat 11:00-da), "Linux" (saat 12:30-da), "Əşyaların interneti" (saat 14:00-da) maarifləndirici təlimlərə dəvət edir.
 
"Azercosmos" və "Arianespace" şirkətləri arasında "Azerspace-2" ikinci telekommunikasiya peykinin kosmik fəzaya buraxılması haqqında sazişin imzalanması "Bakutel 2015" sərgisinin işgüzar proqramı çərçivəsində keçiriləcək mühüm tədbirlərdən birinə çevriləcək. İmzalama mərasimi Bakı Ekspo Mərkəzində "Azercosmos" şirkətinin stendində keçiriləcəkdir.
 
Sərginin bütün qonaq və ziyarətçilərini işgüzar görüş və danışıqlarla yanaşı, İT texnologiyalarından istifadə etməklə keçiriləcək sürprizlər, müsabiqələr və viktorinalar gözləyir. Hər il olduğu kimi, sərgi iştirakçıları ziyarətçilərlə görüşə həvəslə hazırlaşıblar və öz stendlərində sürpriz, viktorina və müsabiqələrin keçirilməsini planlaşdırıblar. Həmçinin, sərginin təşkilatçıları – "Iteca Caspian" və "Caspian Event Organisers" ("CEO") şirkətləri də ziyarətçilər üçün  sürprizlər hazırlayıb. Sərginin keçiriləcəyi bütün günlər ərzində Londonun "Magic Circle" sirkinin tanınmış illüzionisti sadə "iPad" və telefon ilə "Bakutel" sərgisinin bütün ziyarətçiləri üçün bir-birindən maraqlı fokuslar göstərəcək.
 
Beləliklə, həmişəki kimi İKT sahəsinin illik bayramı olan "Bakutel" sərgisi bu il də yeni bilik və ideyaların axınına, eləcə də yeni əlaqələrin qurulmasına və müqavilələrin imzalanmasına şərait yaradacaqdır. "Bakutel 2015" sərgisinin bütün iştirakçıları barədə sərginin rəsmi kataloqunda məlumat veriləcək. Həmçinin, "Daily News" qəzetinin növbəti buraxılışının sərginin ikinci iş günündə işıq üzü görməsi planlaşdırılıb.
 
2015-ci ildə keçiriləcək bütün sərgilərin rəsmi tərəfdaşları "SafeLife" (təhlükəsizlik üzrə rəsmi tərəfdaş) və "Greenwich Travel Club" (rəsmi turoperator) şirkətləri, habelə "Jumeirah Bilgah Beach Hotel Baku" və "Qafqaz Point Hotel" (rəsmi otellər) mehmanxanalarıdır. Ziyarətçilərin rahatlığı üçün metronun "Koroğlu" stansiyasından Bakı Ekspo Mərkəzinə və geriyə (hər bir saatdan bir) pulsuz avtobuslar hərəkət edəcək.







11 Dec 2018 Çingiz Aytmatovun 90 illiyinə həsr olunan poçt markası dövriyyədə
Qırğızıstan İnformasiya Kommunikasiya Texnologiyalar Dövlət Komitəsi Qırğızıstanın xalq yazıçısı Çingiz Aytmatovun (1928 - 2008) 90 illiyinə həsr olunan poçt markasını dövriyyəyə buraxıb. Orijinal markada Çingiz Aytmatovun portreti əks olunub.
ətraflı >>

10 Dec 2018 ePttAVM.com Azərbaycan bazarına daxil olur
Azərbaycanda türk məhsullarının satışı PTT və Azərpoçt vasitəsilə həyata keçiriləcək. Qarşıdakı aylarda ePttAVM.com sistemindəki məhsulları azərbaycanlı istehlakçılar üçün satışa çıxarılacaq.Məhsullar Bakıya qədər PTT vasitəsi ilə, Bakıda isə Azərpoçt vasitəsi ilə operativ şəkildə istehlakçıların ünvanlarına çatdırılacaq.
ətraflı >>

7 Dec 2018 Azərpoçt MMC Rusiya poçtu ilə memorandum imzalayıb
Bakutel-2018 24-cü Azərbaycan Beynəlxalq Telekommunikasiya, İnnovasiya və Yüksək Texnologiyalar sərgi-konfransı çərçivəsində Azərpoçt Məhdud Məsuliyyətli Cəmiyyəti ilə Rusiya poçtu arasında Əməkdaşlıq haqqında Memorandum imzalanıb. Məqsəd tərəflər arasında poçt, maliyyə və elektron xidmətlər sahəsində yaranan problemlərin aradan qaldırılmasıdır.
ətraflı >>

6 Dec 2018 6 dekabr rabitə və informasiya texnologiyaları işçilərinin peşə bayramıdır
Azərbaycan rabitəsi zəngin tarixi köklərə malikdir. Belə ki, Hülakilər dövlətini iqtisadi və siyasi böhrandan qurtarmaq üçün Qazan xan hələ 1303-cü ildə poçt sahəsində islahatlar həyata keçirmişdir. 1501-ci ildə isə Şah İsmayıl Xətai tərəfindən poçt rabitəsinin dövlət səviyyəsində təşkilinin təməli qoyulmuşdur. 1881-ci il 6 dekabr tarixində isə Nobel qardaşları cəmiyyəti tərəfindən Azərbaycanda rəsmi olaraq ilk telefon xətti istismara verilmişdir.
ətraflı >>

6 Dec 2018 Bakı Beynəlxalq Avtovağzal Kompleksində Şəbəkə xidmət mərkəzi istifadəyə verildi
6 dekabr rabitə və informasiya texnologiyaları işçilərinin peşə bayramı günü münasibəti ilə Nəqliyyat, Rabitə və Yüksək Texnologiyalar Nazirliyi bu gün paytaxtda növbəti Şəbəkə xidmət mərkəzini istifadəyə verib. Mərkəz Bakı Beynəlxalq Avtovağzal Kompleksinin (Bakı-Sumqayıt şosesi, 3) ərazisində yerləşir.
ətraflı >>

5 Dec 2018 Qar qız poçt markasında
DekabrIN 4-də Rusiya poçtu Yeni il bayramına həsr olunan poçt markasını dövriyyəyə buraxıb. Poçt markasının üzərində qış meşəsi və Qar qız təsvir olunub.
ətraflı >>

5 Dec 2018 4-cü Azərbaycan-Belarus Biznes Forumu keçirilib
Bakutel-2018 beynəlxalq sərgi-konfransı çərçivəsində 4-cü Azərbaycan-Belarus Biznes Forumu keçirilib. Tədbirdə çıxış edən Nəqliyyat, rabitə və yüksək texnologiyalar nazirinin müavini Elmir Vəlizadə bildirib ki, Belarus Respublikası Rabitə və İnformasiya Nazirliyi tərəfindən birgə təşkil olunan biznes forum Belarusun öz milli pavilyonu ilə təmsil olunduğu Bakutel-2018 beynəlxalq sərgi-konfransı çərçivəsində keçirilir.
ətraflı >>

4 Dec 2018 Azərbaycan Prezidenti İlham Əliyev Bakutel-2018 sərgisi ilə tanış olub
Azərbaycan Respublikasının Prezidenti İlham Əliyev, birinci xanım Mehriban Əliyeva, qızları Leyla Əliyeva və Arzu Əliyeva dekabrın 4-də Bakı Ekspo Mərkəzində XXIV Azərbaycan Beynəlxalq Telekommunikasiya, İnnovasiya və Yüksək Texnologiyalar Sərgisi - Bakutel-2018 ilə tanış olublar.
ətraflı >>

3 Dec 2018 Bakutel-2018 24-cü Azərbaycan Beynəlxalq Telekommunikasiya, İnnovasiya və Yüksək Texnologiyalar sərgi və konfransına həsr olunan mətbuat konfransı keçirilib
Bakıda Bakutel-2018 24-cü Azərbaycan Beynəlxalq Telekommunikasiya, İnnovasiya və Yüksək Texnologiyalar sərgi və konfransına həsr olunan mətbuat konfransı keçirilib.
ətraflı >>

3 Dec 2018 Azərbaycan-Rusiya rabitə operatorlarının görüşü keçirilib
Bu gün rabitə operatorlarının rəhbərlərinin iştirakı ilə yüksək səviyyəli görüş keçirilib. Görüşə Azərbaycan Respublikasının Nəqliyyat, rabitə və yüksək texnologiyalar nazirinin müavini Elmir Vəlizadə və Rusiya Federasiyasının Rəqəmsal inkişaf, rabitə və kütləvi kommunikasiyalar nazirinin müşaviri Mixayıl Mamonov başçılıq edib.
ətraflı >>



Alış Satış
1.9000 1.9370
1.6990 1.7025
0.0249 0.0256
GBP 2.1200 2.1700
SDR 1 SDR 2,3553