Bizimlə əlaqə: (012) 493-56-00
Bizimlə əlaqə: (012) 493-56-00 Az En
   Elektron xidmətlər
   İndeks və Ünvanların axtarışı
   Poçt göndərişlərinin izlənilməsi
   Məktub yazmaq
   Elektron Xidmətlər Portalı
   Elektron İmzası
   E-Ticarət
Xəbərlər
28 Apr 2015

Qızıl səviyyəli sertifikat Azərbaycan nümayəndəsinə təqdim edilib

 Ümumdünya Poçt İttifaqının EMS Kooperativinin sifarişi və maliyyə dəstəyi əsasında məşhur “Pricewaterhouse Coopers” auditor şirkəti Kooperativin Təftiş və Qiymətləndirmə Proqramı çərçivəsində dünyanın EMS operatorlarının 2014-cü ildə göstərdikləri poçt xidmətlərinin keyfiyyət göstəricilərini araşdırıb və qalibləri rəsmi elan edib.
 
Nəticələrə görə, 199 ölkə arasında Azərbaycan və daha 4 ölkə qızıl, 2 ölkə gümüş və 1 ölkə bürünc səviyyə sertifikatı qazanıb.
 
Bu Azərbaycan poçtunun EMS operatoru –  “Azərekspresspoçt” Rabitə Müəssisəsinin son 10 ildə 8-ci qızıl sertifikatıdır.
 
Qızıl səviyyəli sertifikat 22 aprel 2015-ci il tarixdə İsveçrənin Bern şəhərində keçirilən EMS Kooperativinin 18-ci Baş Assambleyasında təntənəli şəkildə Rabitə və Yüksək Texnologiyalar Nazirliyinin və “Azərpoçt” MMC-nin məsul işçilərindən ibarət Azərbaycanın nümayəndə heyətinə ÜPİ-nin Beynəlxalq bürosunun baş direktoru Bişar Hussein və EMS Kooperativinin sədri cənab Patrik Rişon tərəfindən təqdim edilib.
 
Qeyd etmək lazımdır ki, Azərbaycan poçtu 2014-cü il üçün EMS Kooperativinin “Müştəriyə qayğı” mükafatını qazanmağa da ən real namizədlərdən biri olub. EMS kooperativinin 18-ci Baş Assambleyasının gündəliyində mükafatların təqdimedilmə mərasimindən başqa daha 15 məsələ ətrafında hesabatlar dinlənilib, müzakirələr aparılıb və təkliflər verilib. EMS poçtunun gələcək inkişafının ən önəmli istiqaməti kimi elektron kommersiyaya dair xüsusi olaraq, geniş müzakirələr aparılmış və bu barədə EMS Kooperativinin prezentasiyası nümayış etdirilib.
 
 
Assambleyanın işində iştirak edən Azərbaycanın nümayəndə heyəti Çin Xalq Respublikası və Azərbaycan arasında EMS göndərişlərinin ikitərəfli qaydada mübadilə edilməsi barədə bu ölkədən EMS Kooperativinə üzv seçilib və Çin poçtunda Beynəlxalq Biznes Departamentinin direktoru vəzifəsini daşıyan Tonqju Vanq ilə qarşılıqlı səmərəli danışıqlar aparılıb və ikitərəfli mübadilənin tezliklə həyata keçiriləcəyi barədə ilkin razılıq əldə olunub.
 
Çindən elektron ticarətlə mal alaraq, poçtla gətirmək istəyən potensial müştərilərin Azərbaycanda kifayət qədər çox olması yuxarıda qeyd olunan danışıqları və razılaşmanı ölkəmizin poçt xidmətinin gələcək inkişafı üçün olduqca əhəmiyyətli və vacib edir.
 







11 Dec 2018 Çingiz Aytmatovun 90 illiyinə həsr olunan poçt markası dövriyyədə
Qırğızıstan İnformasiya Kommunikasiya Texnologiyalar Dövlət Komitəsi Qırğızıstanın xalq yazıçısı Çingiz Aytmatovun (1928 - 2008) 90 illiyinə həsr olunan poçt markasını dövriyyəyə buraxıb. Orijinal markada Çingiz Aytmatovun portreti əks olunub.
ətraflı >>

10 Dec 2018 ePttAVM.com Azərbaycan bazarına daxil olur
Azərbaycanda türk məhsullarının satışı PTT və Azərpoçt vasitəsilə həyata keçiriləcək. Qarşıdakı aylarda ePttAVM.com sistemindəki məhsulları azərbaycanlı istehlakçılar üçün satışa çıxarılacaq.Məhsullar Bakıya qədər PTT vasitəsi ilə, Bakıda isə Azərpoçt vasitəsi ilə operativ şəkildə istehlakçıların ünvanlarına çatdırılacaq.
ətraflı >>

7 Dec 2018 Azərpoçt MMC Rusiya poçtu ilə memorandum imzalayıb
Bakutel-2018 24-cü Azərbaycan Beynəlxalq Telekommunikasiya, İnnovasiya və Yüksək Texnologiyalar sərgi-konfransı çərçivəsində Azərpoçt Məhdud Məsuliyyətli Cəmiyyəti ilə Rusiya poçtu arasında Əməkdaşlıq haqqında Memorandum imzalanıb. Məqsəd tərəflər arasında poçt, maliyyə və elektron xidmətlər sahəsində yaranan problemlərin aradan qaldırılmasıdır.
ətraflı >>

6 Dec 2018 6 dekabr rabitə və informasiya texnologiyaları işçilərinin peşə bayramıdır
Azərbaycan rabitəsi zəngin tarixi köklərə malikdir. Belə ki, Hülakilər dövlətini iqtisadi və siyasi böhrandan qurtarmaq üçün Qazan xan hələ 1303-cü ildə poçt sahəsində islahatlar həyata keçirmişdir. 1501-ci ildə isə Şah İsmayıl Xətai tərəfindən poçt rabitəsinin dövlət səviyyəsində təşkilinin təməli qoyulmuşdur. 1881-ci il 6 dekabr tarixində isə Nobel qardaşları cəmiyyəti tərəfindən Azərbaycanda rəsmi olaraq ilk telefon xətti istismara verilmişdir.
ətraflı >>

6 Dec 2018 Bakı Beynəlxalq Avtovağzal Kompleksində Şəbəkə xidmət mərkəzi istifadəyə verildi
6 dekabr rabitə və informasiya texnologiyaları işçilərinin peşə bayramı günü münasibəti ilə Nəqliyyat, Rabitə və Yüksək Texnologiyalar Nazirliyi bu gün paytaxtda növbəti Şəbəkə xidmət mərkəzini istifadəyə verib. Mərkəz Bakı Beynəlxalq Avtovağzal Kompleksinin (Bakı-Sumqayıt şosesi, 3) ərazisində yerləşir.
ətraflı >>

5 Dec 2018 Qar qız poçt markasında
DekabrIN 4-də Rusiya poçtu Yeni il bayramına həsr olunan poçt markasını dövriyyəyə buraxıb. Poçt markasının üzərində qış meşəsi və Qar qız təsvir olunub.
ətraflı >>

5 Dec 2018 4-cü Azərbaycan-Belarus Biznes Forumu keçirilib
Bakutel-2018 beynəlxalq sərgi-konfransı çərçivəsində 4-cü Azərbaycan-Belarus Biznes Forumu keçirilib. Tədbirdə çıxış edən Nəqliyyat, rabitə və yüksək texnologiyalar nazirinin müavini Elmir Vəlizadə bildirib ki, Belarus Respublikası Rabitə və İnformasiya Nazirliyi tərəfindən birgə təşkil olunan biznes forum Belarusun öz milli pavilyonu ilə təmsil olunduğu Bakutel-2018 beynəlxalq sərgi-konfransı çərçivəsində keçirilir.
ətraflı >>

4 Dec 2018 Azərbaycan Prezidenti İlham Əliyev Bakutel-2018 sərgisi ilə tanış olub
Azərbaycan Respublikasının Prezidenti İlham Əliyev, birinci xanım Mehriban Əliyeva, qızları Leyla Əliyeva və Arzu Əliyeva dekabrın 4-də Bakı Ekspo Mərkəzində XXIV Azərbaycan Beynəlxalq Telekommunikasiya, İnnovasiya və Yüksək Texnologiyalar Sərgisi - Bakutel-2018 ilə tanış olublar.
ətraflı >>

3 Dec 2018 Bakutel-2018 24-cü Azərbaycan Beynəlxalq Telekommunikasiya, İnnovasiya və Yüksək Texnologiyalar sərgi və konfransına həsr olunan mətbuat konfransı keçirilib
Bakıda Bakutel-2018 24-cü Azərbaycan Beynəlxalq Telekommunikasiya, İnnovasiya və Yüksək Texnologiyalar sərgi və konfransına həsr olunan mətbuat konfransı keçirilib.
ətraflı >>

3 Dec 2018 Azərbaycan-Rusiya rabitə operatorlarının görüşü keçirilib
Bu gün rabitə operatorlarının rəhbərlərinin iştirakı ilə yüksək səviyyəli görüş keçirilib. Görüşə Azərbaycan Respublikasının Nəqliyyat, rabitə və yüksək texnologiyalar nazirinin müavini Elmir Vəlizadə və Rusiya Federasiyasının Rəqəmsal inkişaf, rabitə və kütləvi kommunikasiyalar nazirinin müşaviri Mixayıl Mamonov başçılıq edib.
ətraflı >>



Alış Satış
1.9000 1.9370
1.6990 1.7025
0.0249 0.0256
GBP 2.1200 2.1700
SDR 1 SDR 2,3553