Bizimlə əlaqə: (012) 493-56-00
Bizimlə əlaqə: (012) 493-56-00 Az En
   Elektron xidmətlər
   İndeks və Ünvanların axtarışı
   Poçt göndərişlərinin izlənilməsi
   Məktub yazmaq
   Elektron Xidmətlər Portalı
   Elektron İmzası
   E-Ticarət
Xəbərlər
22 Nov 2014

Moskvada Regional Rabitə Birliyinin rabitə administrasiyaları mütəxəssisləri üçün ilk beynəlxalq seminar keçirilib

 Noyabr ayının 18-19 tarixlərində Moskvada Ümumdünya Poçt İttifaqının (ÜPİ) elektron ticarətin və ixracın inkişafı üzrə strateji regional layihəsi çərçivəsində Regional Rabitə Birliyinin (RRB) rabitə administrasiyaları mütəxəssisləri üçün ilk beynəlxalq seminar keçirilib.

Bu seminar  mikro, kiçik və orta biznes müəssisələri ilə elektron ticarətin və işgüzar əməkdaşlığın inkişafı üzrə ilk regional forumdur.

RRB İcraiyyə Komitəsi, ÜPİ Beynəlxalq Bürosu, Avropa Dövlət Poçt Rabitəsi Operatorları Assosiasiyası (PostEurop)və Rusiya Rabitə Administrasiyası ilə birlikdə təşkil olunan seminarda milli poçt operatorlarının baş direktorları və onların müavinləri, struktur bölmələrinin rəhbərləri, poçt rabitəsi məsələləri ilə məşğul olan nazirlik, agentlik və komitələrin işçiləri, rabitə administrasiyalarının aparıcı mütəxəssisləri və RRB və Avropa Dövlət Poçt Rabitəsi Operatorları Assosiasiyasının (Cənub-Şərqi Avropa) layihə üzrə təyin edilən operatorlarının milli əlaqələndiriciləri iştirak ediblər. İştirakçıların ümumi sayı 80 nəfərdən çox olub.

Seminarda ölkəmizi Rabitə və Yüksək Texnologiyalar Nazirliyi İnfrastrukturun inkişafı şöbəsi, poçt sektorunun müdiri Novruz Məmmədov, “Azərpoçt” MMC-nin  Poçt analizi şöbəsinin rəisi Nüsrət Səmədov və Plastik kartlar şöbəsinin rəisi Fərid Cəfərov təmsil ediblər.

Seminarı Rusiya rabitə və kütləvi kommunikasiyalar nazirinin müavini Mixail Yevraev açıb.
Giriş sözü ilə “Rusiya Poçtu”nun baş direktoru Dmitri Straşnov, RRB İcraiyyə Komitəsinin baş direktoru Nurudin Muhutdinov, Avropa Dövlət Poçt Rabitəsi Operatorları Assosiasiyasının baş katibi Botond Tseben çıxış ediblər.  

ÜPİ Beynəlxalq Bürosunun baş direktoru adından müraciəti Avropa və MDB ölkələri üzrə regional proqramın rəhbəri Aleksandr Sudakov oxuyub.

Seminarda iştirakçılar elektron ticarətin və ixracın inkişaf məsələlərini, qlobal tendensiyaları, poçt administrasiyaları üçün hazırkı və gələcək imkanları, eləcə də poçt ticarətinin inkişafına yardım sahəsində tendensiya və imkanları müzakirə ediblər. Bundan başqa, iştirakçılar Avropada elektron ticarətin inkişafını (qanunvericilik, normativlər və s.), inkişaf etməkdə olan ölkələrdə mikro, kiçik və orta biznes müəssisələrinin maliyyələşdirilməsi ilə bağlı yanaşmanı, konkret nümunə və qabaqcıl təcrübəni, o cümlədən elektron ticarət sahəsində poçt əməliyyatları (texnoloji əlaqə), elektron ticarət sahəsində informasiya poçt platformaları, lokal İT sistemləri, texnoloji həllərin hazırlanması, ÜPİ-nin elektron ticarət sahəsində İT məhsullarının strukturu (poçtda elektron ticarətin inkişafına xidmət edən alətlər, ödəniş və logistika üçün kompleks həllər, həmçinin ÜPİ elektron gömrük bəyannaməsi sistemi) kimi məsələləri nəzərdən keçiriblər.
ÜPİ Beynəlxalq Bürosunun nümayəndələri “.post” platformasından elektron ticarət sahəsində tranzaksiyaların etibarlığının təmini üçün istifadə imkanları, filateliya üzrə internet mağazalarının “.post” əsasında keçirdikləri sınaqlar və “.post” çərçivəsində “website-in- a box” həlli, eləcə də vahid alış mərkəzinin (milli və regional elektron mağaza platformalarının mikro, kiçik və orta müəssisələr üçün yaradılması və istismarı) yaradılması imkanları barədə məlumat veriblər.

Bundan əlavə, iştirakçılar BMT-nin Avropa İqtisadi Komissiyası çərçivəsində ticarətin inkişafına dəstək, Ümumdünya Ticarət Təşkilatı (ÜTT) çərçivəsində beynəlxalq ticarətin inkişafına dair saziş, onun əsas müddəaları, özəl sektor üçün tətbiqi və imkanları, mikro, kiçik və orta müəssisələrlə tərəfdaşlıq münasibətlərinin inkişafı və ticarətin inkişafına kömək məsələlərinə diqqət yetiriblər.

ABŞ, İspaniya və Portuqaliya Poçt İttifaqının nümayəndəsi Cənubi Amerika ölkələrində mikro, kiçik və orta müəssisələr üçün ixracı asanlaşdıran “ExportaFácil” texnologiyasının Braziliya, Peru və Ekvadorda fəaliyyəti (təcrübə, problemlər, təsir, nəticə) barədə məlumat verib. ÜPİ-nin ixracın sadələşdirilməsi (proqram, sorğu və təlimat) üzrə metodologiyası da müzakirə edilən məsələlər sırasında olub.
Beynəlxalq Gömrük İttifaqının nümayəndəsi gömrük xidmətlərinin poçt vasitəsilə ticarətin inkişafına necə kömək edə bilməsi barədə danışıb.

ÜPİ Beynəlxalq Bürosunun nümayəndəsi ÜPİ-nin elektron ticarət sahəsində çatdırılma üzrə yeni xüsusiyyətləri özündə birləşdirən proqramını (ECOMPRO) təqdim edib.

Seminar iştirakçıları internet mağazaları ixrac üçün poçt platformaları vasitəsilə bağlantıların yaradılması imkanlarını, ÜPİ-nin elektron ticarət üzrə təlimatını, poçt operatorları üçün elektron ticarət və biznes modellərinin tətbiqi məsələlərini nəzərdən keçirib, ÜPİ-yə elektron ticarətin inkişafı üzrə regional və milli biznes modellərinin tətbiqinə köməyin göstərilməsi perspektivlərini, tövsiyələri və regional səviyyədə atılacaq gələcək addımları (fəaliyyət planı layihəsi) müzakirə ediblər.

Seminar iştirakçılar tərəfindən yüksək qiymətləndirilib.







18 Oct 2018 PostEurop Avropa markaları müsabiqəsi keçirib
Tədbir hər il keçirilir və müsabiqədə sadəcə identifikasiya simvolu ilə xüsusi poçt markaları nəşr etmək hüququna malik olan PostEurop-un üzv ölkələrinin milli poçt operatorları iştirak edir. Müsabiqənin mövzusu PostEurop-un marka və filatelistlər üzrə işçi qrupu tərəfindən seçilir. Bu ilin mövzusu körpülər olub.
ətraflı >>

17 Oct 2018 Azərpoçt MMC bank nominasiyasının qalibi oldu
Azərbaycanın milli poçt operatoru Azərpoçt MMC Mastercard debet layihəsini uğurla tamamlayan bank nominasiyasının qalibi elan edilib. Bu münasibətlə AzərpoçtMMC xüsusi sertifikata layiq görülüb.
ətraflı >>

16 Oct 2018 Yeni il poçt markaları artıq dövriyyədə
Belarus Respubikası Rabitə və İnformasiyalaşdırma Nazirliyi Yeni ilə həsr olunmuş poçt markalarını dövriyyəyə buraxıb. Markaların tirajı 60 mindir.
ətraflı >>

12 Oct 2018 18 oktyabrda Dünya Mədəniyyət Xadimləri seriyası çərçivəsində yazıçı Ceyms Oldricin anadan olmasının 100 illiyinə həsr olunan orijinal markalı zərf poçt dövriyyəsinə buraxılacaq
Ceyms Oldric (19182015) - Britaniyalı yazıçı və jurnalistdir. Onun İkinci Dünya müharibəsi haqqında olan əsərləri bir çox ölkələrdə nəşr olunub, 30-dan çox kitabın müəllifidir.
ətraflı >>

9 Oct 2018 9 oktyabr - Poçt işçilərinin peşə bayramıdır
Azərbaycanda poçt rabitəsi 16-cı əsrdən inkişaf etməyə başlayıb. Müasir formada poçtun yaranması isə 19-cü əsrə təsadüf edir. 1818-ci ildə isə Gəncədə, o vaxtki Yelizavetpolda poçt kontoru açılıb. Bu isə o deməkdir ki, Azərbaycanda rəsmi olaraq poçt sahəsinin inkişafı 200 illik bir dövrü əhatə edir.
ətraflı >>

8 Oct 2018 Rusiya Silahlı Qüvvələrinin Tarixi seriyalı markalar zərflərdə
9 oktyabrda Rusiya Silahlı Qüvvələrinin Tarixi seriyası çərçivəsində ordu generalı A.V.Xrulyeva adına Maddi-Texniki Təchizat Üzrə Hərbi Akademiyanın Hərbi İnstitutunun 100 illiyinə həsr olunmuş orijinal markalı zərf poçt dövriyyəsinə buraxılacaq.
ətraflı >>

6 Oct 2018 6 Oktyabr Poçt və Teleqraf Nazirliyinin yarandığı gündür
Azərbaycanda poçt rabitəsi 16-cı əsrdən inkişaf etməyə başlayıb. Müasir formada poçtun yaranması isə 19-cu əsrə təsadüf edir. 1818-ci il, iyun ayının 1-də Gəncə şəhərində ilk poçt kontoru açılıb. 19-cu əsrin sonları, 20-ci əsrin əvvəllərində Bakıda sürətlə inkişaf etməkdə olan neft sənayesi ilə bərabər telefon rabitəsi də inkişaf edib.
ətraflı >>

5 Oct 2018 Çeçenistan paytaxtının 200 illiyi şərəfinə marka
Bu gün Qroznı şəhərinin 200 illiyinə həsr olunmuş marka poçt dövriyyəsinə buraxılıb. Markanın üzərində Qroznı-Siti yüksək mərtəbəli binalar kompleksinin fonunda A.Kadırov adına Çeçenistanın ürəyi məscidi təsvir olunub.
ətraflı >>

5 Oct 2018 Moldova poçtu xatirə markaları buraxır
Moldova Respublikasının Ticarət-Sənaye Palatasının yüz illiyi nə həsr olunan markanın həkk edildiyi poçt zərfləri dövriyyəyə buraxılıb. Zərflərin tiraj həcmi 20 min nüsxədən ibarətdir.
ətraflı >>

4 Oct 2018 Belpoçtada müəllimlərə təbrik
Oktyabrın 5-də Belpoçta RUM xüsusi ayrılmış poçt rabitəsi şöbələrində Müəllimlər günü münasibətilə təqdimat tədbiri keçirəcək.
ətraflı >>



Alış Satış
1.9370 1.9580
1.6990 1.7015
0.0253 0.0260
GBP 2.2050 2.2450
SDR 1 SDR 2,3684