Bizimlə əlaqə: (012) 493-56-00
Bizimlə əlaqə: (012) 493-56-00 Az En
   Elektron xidmətlər
   İndeks və Ünvanların axtarışı
   Poçt göndərişlərinin izlənilməsi
   Məktub yazmaq
   Elektron Xidmətlər Portalı
   Elektron İmzası
   E-Ticarət
Xəbərlər
13 Mar 2014

Azərbaycan ÜPİ-nin e-ticarət, poçt-maliyyə xidmətlərinə dair forumlarında təmsil olunacaq.

 31 mart - 11 aprel tarixlərində İsveçrənin Bern şəhərində Ümumdünya Poçt İttifaqının (ÜPİ) yaz sessiyası keçiriləcək. 26-28 mart tarixlərində isə ÜPİ-nin elektron ticarət və poçt-maliyyə xidmətlərinə dair forumlarının təşkili nəzərdə tutulur. Artıq hər iki nüfuzlu tədbirdə Azərbaycanı təmsil edəcək nümayəndə heyətinin tərkibi müəyyənləşib.
 
Belə ki, sözügedən forumlarda "Azərpoçt" MMC-nin Baş direktor müavini Nazim Süleymanov və bu təşkilatın Əməliyyatlar şöbəsinin rəisi Fərid Hüseynovun iştirakı gözlənilir. Onlar ölkəmizdə poçt sahəsində göstərilən bank xidmətlərinə dair təqdimatla  çıxış edəcəklər. ÜPİ-nin sessiyasında isə müxtəlif vaxtlarda Rabitə və Yüksək Texnologiyalar Nazirliyinin əməkdaşları Nasir Həmidov, Nicat İbrahimli və BƏHM-in əməkdaşı Vüsal Mirzəyevin iştirakı nəzərdə tutulub.
Qeyd edək ki, adətən 3 həftə davam edən ÜPİ-nin yaz sessiyasının müddəti bu dəfə qısaldılaraq 2 həftəyə salınıb.
 
Sessiyanın ilk həftəsində (31.03-04.04.14.) Poçt Əməliyyatları Şurasının (Postal Operations Council – POC) bir sıra komissiya, layihə və işçi qruplarının toplantıları keçiriləcək, beynəlxalq məktub korrespondensiyası və poçt bağlamaları üzrə xidmətlərin keyfiyyətinin yüksəldilməsi, təhlükəsizliyi  üzrə görüləcək tədbirlər və hesablaşma sistemində yaranan yeniliklər barədə müzakirələr aparılacaq. Həmçinin, 2013-cü ilin yekunlarına görə Azərbaycanın EMS operatorunun ÜPİ-nin Qızıl səviyyəli Sertifikatı ilə təltif edilməsi gözlənilir.
 
 
Aprelin 7-dən 11-nə qədər davam edəcək sessiyanın ikinci həftəsində isə  ÜPİ-nin QSF üzrə Qəyyumlar Heyətinin (Board of Trustees – BoT) iclasları olacaq. Qeyd edək ki, Azərbaycan bu orqanın üzvüdür (DMŞ PS-nin baş məsləhətçisi N.Həmidov adlı olaraq BoT-yə seçilib). "BoT"-nin toplantısında baxılacaq əsas məsələlərə gəlincə, buraya dünya ölkələri tərəfindən ÜPİ Katibliyinə təqdim olunmuş layihələrin, həmçinin bu layihələrin həyata keçirilməsi üzrə ilkin, aralıq və yekun hesabatların və digər sənədlərin baxılıb müzakirə edilməsi, müvafiq qərarların hazırlanması daxildir.
 
 
Sessiyanın sonunda keçiriləcək "POC"-nin Plenar iclasları isə 10-11 aprel tarixlərində baş tutacaq. Burada baxılacaq məsələlər arasında QSF-in "BoT"-də hazırlanmış yekun sənədlərin təsdiq edilməsi, bu qurumun tərkibinin qismən yenilənməsi üzrə seçkilərin keçirilməsi, "POC"-nin tərkibində fəaliyyət göstərən müxtəlif komissiyaların hesabatlarına baxılması və digər məsələlər yer alıb.







16 Nov 2018 Belarusun Böyük Tarixi Atlası
Belarus Respublikasının İnformasiya və Texnologiyalar Nazirliyi dörd cilddə olan Belarusun Böyük Tarixi Atlasının dərcinə həsr olunan, 21 Noyabr 2018-ci ildə xüsusi xatirə tədbirində istifadə olunacaq xatirə ştempelli buraxacaq.
ətraflı >>

15 Nov 2018 Bakutel-2018 sərgisinin ziyarətçiləri lotereya qalibi olacaq
Bakı Expo Mərkəzinin sərgi zalında təşkil olunan xüsusi guşədə məhz Bakutel sərgisinin ziyarətçiləri üçün lotereya oyunu keçiriləcək. Azərlotereya ASC tərəfindən təşkil olunacaq lotereyanın oyun qaydalarına əsasən, biletlər oyunda iştirak üçün qeydiyyata alınacaq.
ətraflı >>

14 Nov 2018 Kiyevski kotlet markalarda
Ukrayna poçtu Milli yeməklər seriyasından Kiyevsayağı kotlet markasını dövriyyəyə buraxıb. 140 min tirajla dərc olunan nüsxənin nominalı 7 qrivni, yəni 0.43 Azn-dir.
ətraflı >>

13 Nov 2018 Azərbaycan və Belarus birgə marka dövriyyəyə buraxacaq
Belarus Respublikası Rabitə və İnformasiyalaşdırma Nazirliyi 2018-ci il noyabrın 19-da Azərbaycan və Belarus arasında diplomatik münasibətlərin qurulmasının 25 illiyi münasibətilə poçt markasını dövriyyəyə buraxacaq.
ətraflı >>

13 Nov 2018 Nazir Bərdədə vətəndaşlarla görüşəcək
Nəqliyyat, rabitə və yüksək texnologiyalar naziri Ramin Quluzadə 16.11.2018-ci il tarixində saat 12:30-da Bərdə şəhərində Bərdə, Yevlax, Tərtər və Ağdam rayonlarının sakinlərinə göstərilən nəqliyyat, telekommunikasiya (o cümlədən, internet, televiziya və radio yayımı) və poçt xidmətlərinin keyfiyyəti, xidmət mədəniyyəti və bu sahədə bölgələrdə əhalini maraqlandıran digər məsələlərlə bağlı vətəndaşları qəbul edəcək.
ətraflı >>

12 Nov 2018 Müstəqillik qəhrəmanları poçt markalarında
Polşa poçtu 11 noyabr 2018-ci ildə Polşanın müstəqilliyinin bərpasının 100 illiyi adı altında poçt məhsulu dövriyyəyə buraxıb. Poçt məhsulu səkkiz markadan ibarətdir və hər bir markanın tirajı 180 min nüsxə təşkil edir.
ətraflı >>

12 Nov 2018 1 Poçt Şöbəsi və 2 Poçt Agentliyi açılaraq müştərilərin istifadəsinə verilib
Azərpoçt MMC 2018-ci ilin 9 ayı üzrə tarif gəliri proqnozunu 105% icra edib. Belə ki, 2018-ci ilin 9 ayı üzrə təyin olunmuş tarif gəliri proqnoz tapşırıqları yerinə yetirilib, nəzərdə tutulan proqnozdan keçən ilin müvafiq dövrü ilə müqayisədə yəni 4.8% artıq gəlir əldə edilib.
ətraflı >>

7 Nov 2018 Poçt bağlamalarını robotlar daşıyacaq
Norveçin poçt operatoru robot poçtalyonlar hazırlayan "Buddy Mobility" startapı ilə əməkdaşlıq müqaviləsi imzalayıb.
ətraflı >>

6 Nov 2018 Arxeologiya silsiləsindən olan şahmat fiqurları markalarda
Noyabrın 12-də Belarus Respublikası Rabitə və İnformasiya Nazirliyi "Arxeologiya" seriyasından iki poçt markasını dövriyyəyə buraxacaq.
ətraflı >>

5 Nov 2018 Azərbaycan növbəti dəfə Beynəlxalq Telekommunikasiya İttifaqının Şurasına üzv seçilib
Ölkəmiz Beynəlxalq Telekommunikasiya İttifaqının (BTİ) Şurasına 119 səslə üzv seçildi. Beləliklə, Azərbaycan BTİ-nin Şurasında təmsil olunan 48 ölkədən biri oldu. Qeyd edək ki, MDB regionundan yalnız Azərbaycan və Rusiya Şuraya üzv seçilib.
ətraflı >>



Alış Satış
1.9050 1.9400
1.6980 1.7015
0.0252 0.0259
GBP 2.1450 2.1950
SDR 1 SDR 2,3488