AzərPoçt

Layihənin həyata keçirilməsinə 2005-ci ilin 14 oktyabrından etibarən başlanılmışdır. Hazırki dövrə qədər Azərpoçt komponentinin icrası ilə bağlı aşağıdakı işlər görülmüşdür:
    "Azərpoçt" DM-nin yeni hesablar planının hazırlanması.
    AMB-nin texniki yardımı ilə "Azərpoçt" DM üçün yeni hesablar planının layihəsi hazırlanmış və Maliyyə Nazirliyi ilə razılaşdırılaraq təsdiq edilmişdir. Yeni hesablar planı həm banklar üçün olan hesablar planının, həm də təsərrüfat subyektləri üçün olan beynəlxalq mühasibat uçotu hesablar planının əsasında hazırlanmış və Dünya Bankı tərəfindən çox yüksək qiymətləndirilmişdir.
    "Azərpoçt" DM-nin Baş İdarəsində server otağının yaradılması. "Azərpoçt" DM-nin Baş İdarəsində server otağının müvafiq avadanlıqlarla təhciz edilməsi üçün kotirovka sorğusu keçirilmiş və "Triada" MMC qalib gəlmişdir. Nəzərdə tutulan işlər artıq uğurla başa çatdırılmışdır.
    Sumqayıt şəhərində "Azərpoçt" DM-nin ehtiyat server otağının yaradılması.Sumqayıt şəhərində ehtiyat server otağının hazırlanması üçün beynəlxalq tender keçirilmiş və tenderdə "Triada" MMC qalib gəlmişdir. "Triada" MMC ilə "Azərpoçt" DM arasında 25.05.2007-ci il tarixdə müqavilə imzalanmışdır. Nəzərdə tutulan işlər artıq uğurla başa çatdırılmışdır.
    Məsləhətçi şirkətin cəlb edilməsi. 11 yanvar 2007-ci il tarixində Niderlandın FACP Şirkəti ilə "Azərpoçt" DM arasında məsləhət xidmətlərinin göstərilməsinə dair müqavilə imzalanmışdır. Müqaviləyə uyğun olaraq məsləhətçi şirkət tərəfindən aşağıdakı işlər görülmüşdür:
    -"Azərpoçt" DM-in fəaliyyət strategiyası hazırlanmış;
    - Hal-hazırda göstərilən xidmətlərin və gələcək bank-maliyyə xidmətlərinin, eləcədə müəssisənin bazar mövqeyinin təfsilatlı diaqnostikası aparılmış və onun nəticələrini özündə əks etdirən Diaqnostik Hesabat təqdim edilmiş;
    -"Azərpoçt" DM-in potensial və real müştərilərinin alış motivləri və təqdim edilən xidmətlər, onların keyfiyyəti ilə əlaqədar marketinq sorğusu aparılmış;
    -Büdcə, mühasibat uçotu, daxili audit, likvidlik və risklərin idarə edilməsi, marketinq və İT modulları üzrə "Azərpoçt" DM-ə texniki yardım göstərilmişdir.
    -27 mart 2008-ci il tarixində FACP Şirkəti ilə əlavə 4 modul üzrə işlərin görülməsi üçün mövcud müqaviləyə əlavə imzalanmışdır. Hal-hazırda müqavilənin icrası davam etdirilir.
    Azərpoçt DM-nin Baş İdarəsinin avtomatlaşdırılması.Baş İdarənin avtomatlaşdırılması layihəsi üzrə birmərhələli tender keçirilmiş və tenderdə qalib gəlmiş Kür EAİ MMC ilə Azərpoçt DM arasında 25.07.2006-cı il tarixində müqavilə imzalanmışdır. Müqavilənin şərtlərinə uyğun olaraq avadanlıqların çatdırılması və quraşdırılması prosesi tam başa çatdırılmış, Baş İdarənin bütün işçi yerləri tam avtomatlaşdırılmışdır.
    - Azərpoçt DM-nin Bakıda və regionlardakı filial və şöbələri üçün kompüter avadanlıqlarının satınalınması. Azərpoçt DM-nin Bakı şəhərində və digər rayonlarda (şəhərlərdə) yerləşən filial və poçt şöbəkələri üçün 450 ədəd müasir kompüter və 450 ədəd printerin alınması üçün satınalma prosedurları həyata keçirilmiş və ən aşağı qiymət təklif edən "AZEL" MMC ilə Azərpoçt DM arasında 16 noyabr 2006-cı il tarixində müqavilə imzalanmış və müqavilənin icrası tam başa çatdırılmışdır. Alınan avadanlıqların filiallar arasında paylanması həyata keçirilmişdir.
    Treyninqlərin keçirilməsi. Azərpoçt DM-nin işçilərinin bank-maliyyə xidmətləri sahəsində səriştəsini artırmaq məqsədilə Azərbaycan Bank Tədris Mərkəzi ilə Azərpoçt DM arasında 21.06.2006-cı ildə müqavilə imzalanmışdır. Bu müqavilə çərçivəsində Azərpoçt DM-in filiallarının rəhbərləri və müavinləri, baş mühasibləri və poçt şöbələrinin rəisləri üçün bank-maliyyə xidmətləri mövzusunda seminarlar təşkil edilmiş və həmin seminarlarda 135 nəfər işçinin iştirakı təmin edilmişdir. Gələcəkdə bu treyninqlərin regionlardakı filiallar üçün də keçirilməsi nəzərdə tutulmuşdur. Bundan əlavə, Azərbaycan Bank Tədris Mərkəzi ilə 2006-cı ilin yanvar ayında imzalanmış müqaviləyə uyğun olaraq Azərpoçt DM-in Baş İdarəsinin işçiləri üçün də müxtəlif mövzularda kurslar keçirilmişdir. 2006-cı ilin yanvar ayının 1-dən dekabr ayının 31-nə kimi Risklərin idarə edilməsi, Marketinq-yeni bank məhsullarının yaradılması, Ödəniş sistemləri və alətləri, Beynəlxalq uçot standartları, Banklarda hesablama işi, Banklarda İT işinin təşkili və Ümumi bank işi mövzusunda kurslar keçirilmişdir. Eyni zamanda layihənin icrasına cəlb olunmuş əməkdaşlar üçün inglilis dili kurslarının keçirilməsi məqsədilə Azərpoçt DM ilə Azerbaijan Capacity Building Center (ACBC) şirkəti arasında 28.11.2005-ci ildə tarixdə müqavilə imzalanmışdır. Müqavilənin icrası başa çatdırılmışdır.
    Azərpoçt DM-in yeni adekvat strukturunun tətbiq olunması.Azərpoçt DM-nin Aparatının yeni strukturunun layihəsi FACP şirkətinin məsləhətçiləri tərəfindən hazırlanmış və müəssisənin mütəxəssisləri ilə birlikdə təkmilləşdirildikdən sonra RİTN-in 11.06.2007-ci il tarixli 103 saylı əmri ilə təsdiq edilmişdir. 2007-ci ilin avqust ayında yeni struktura işçilərin qəbulu prosesinin birinci mərhələsi olan sərbəstləşdirilən işçilərin seçilməsi prosesi başa çatmışdır. "Azərpoçt" DM-nin Aparatında vakant qalan yerlərə işçilərin qəbulu prosesinə dair elan verilmiş və işəqəbul prosesi müvəffəqiyyətlə yerinə yetirilmişdir. 2008-ci ilin yanvar ayında "Azərpoçt" DM-nin Bakı şəhər PF-də yeni sturuktura keçidlə bağlı işçilərin qiymətləndirilməsi keçirilmişdir. Hal-hazırda DM-nin digər poçt filiallarının strukturunun yenidən qurulması prosesi həyata keçirilməkdədir.
    Avtomatlaşdırılmış Korperativ İnformasiya Sisteminin satınalınması.Avtomatlaşdırılmış Korperativ İnformasiya Sisteminin satınalınması məqsədilə beynəlxalq tender keçirilmiş və HP şirkətinin rəhbərlik etdiyi konsorsium qalib seçilərək, onunla müqavilə imzalanmışdır. Hal-hazırda işlər uğurla həyata keçirilməkdədir.

"Azərpoçt" MMC