AzərPoçt

Fevral ayının 4-də Azərbaycan Respublikasının Prezidenti İlham Əliyevin Almaniya Federativ Respublikasına işgüzar səfəri çərçivəsində dövlət başçısı Almaniya kansleri Angela Merkellə görüşüb.

Kansler iki ölkə arasında iqtisadi əlaqələrin yüksək səviyyədə olduğunu bildirərək, bu sahədə əməkdaşlığı genişləndirmək üçün mövcud olan böyük potensialdan istifadə etməyin zəruriliyini vurğulayıb.
Almaniyanın Azərbaycana müxtəlif sahələrdə dəstək verməyə hazır olduğunu diqqətə çatdıran xanım Angela Merkel bildirib ki, neft-qaz ölkəsi olan Azərbaycan Almaniya üçün vacib tərəfdaşdır.
Səfərə dəvətə görə təşəkkürünü bildirən Azərbaycan Prezidenti Almaniyaya üç il əvvəlki səfərindən ötən müddətdə ölkələr arasında əlaqələrin sürətlə inkişaf etdiyini deyib. Dövlət başçısı bildirib ki, siyasi əlaqələr yüksək səviyyədədir, iqtisadi sahədə əməkdaşlıq genişlənir.
Azərbaycanda 100-ə yaxın Almaniya şirkətinin fəaliyyət göstərdiyini diqqətə çatdıran Prezident İlham Əliyev deyib ki, hazırda müasirləşmə dövrünü yaşayan Azərbaycanda alman texnologiyalarına tələbat vardır. Azərbaycan isə Avropanın enerji təhlükəsizliyi məsələlərinin həllinə öz töhfəsini verməyə hazırdır.
Dövlət başçısı bildirib ki, Azərbaycan Avropa İttifaqının “Şərq tərəfdaşlığı” Proqramına qoşulmuşdur və bu, ölkəyə müxtəlif sahələrdə islahatlar aparmağa imkan verəcək.

"Azərpoçt" MMC