Poçta növbəti ekskursiya təşkil olunub

Rəqəmsal İnkişaf və Nəqliyyat Nazirliyinin tabeliyində fəaliyyət göstərən “Azərpoçt” MMC–nin Mərkəzi Poçt Şöbəsinə məktəblilərin ekskursiyası təşkil olunub. Tədbir “Poçta ekskursiya” layihəsi çərçivəsində “Landau" məktəbinin ibtidai sinif şagirdlərinin iştirakı ilə baş tutub.

Ekskursiyada şagirdlərə poçt rabitəsinin tarixi, inkişaf yolu və hazırda göstərilən xidmətlər barədə ətraflı məlumat verilib.

Tədbirin sonunda şagirdləri maraqlandıran suallar cavablandırılıb.